Без разлика дали некој ваш постар возрасен пријател или близок страда од невролошка состојба или има проблеми со подвижноста, важно е да се превземат мерки на претпазливост во домот. Минимизирање на просторот во домот на постари лица може да ја намали веројатноста од повреди при несреќи што можат да доведат до сериозни последици и хоспитализација. Затоа, ви подготвивме неколку корисни совети, кои ќе ви помогнат како да го организирате просторот во домот на вашите блиски и да им обезбедите безбеден и удобен простор за живеење.
Преместете ги предметите на пониски нивоа. Истегнувањето над висината на главата може да биде тешко за оние кои имаат проблеми со подвижноста, додека стоењето на подигнати платформи може да претставува ризик од паѓање. Затоа, секојдневните предмети ставете ги на дофат.
Уредни кабли се лесен начин за минимизирање на опасностите од сопнување.
Залепете ги теписите и патосниците, или целосно отстранете ги доколку ги има. Патосниците имаат тенденција да се виткаат на краевите или да се лизгаат на некои видови под, што ги прави опасни за оние со проблеми со подвижноста.
Заштитете го остриот мебел. Во некои случаи, можеби е разумно да се покријат или заштитат острите агли или рабови на мебелот, што лесно може да им ја повредат и онака нежната кожа.
Погрижете се сите области во домот да бидат соодветно осветлени. Ова е особено важно за оние со оштетен или слаб вид.
Обезбедете им телефон со поголем екран и копчиња. Ова е корисна помош за комуникација за оние со проблеми со видот или умешноста.
Осигурајте се дека оградите на скалите се сигурни. Постарите лица може да се потпрат на оградите за да ја компензираат мускулната слабост, затоа редовно проверувајте ги точките за прицврстување.
Обезбедете гумени патосници во туш кабината или кадата. Многу паѓања се случуваат во бањата поради лизгање.
Поставете безбедносни држачи за ѕид во лизгави области како тоалетот и бањата.
Доколку туширањето кај постари лица во туш кабина или када е отежнето, набавете анатомска столица за бањање, која ќе им обезбеди удобност, безбедност и леснотија додека се во бањата.
Обезбедете помагала за движење и соодветни обувки со нелизгачки ѓон.
